معالم الحشرية عند الموظف الحكومي المصري 2

أكتر لعبتين مفضلين عن الموظف الحكومي المصري هي لعبة الكلمات المتقاطعة ولعبة البازل

تخيل إنك واقف تتكلم مع حد صديقك في الشغل، ونادر جداً اللي تقدر تعتبره بجد صديق في المجتمع الحكومي، وبتتكلموا في موضوع عادي جداً ممكن ميكونش على قدر عالي من الأهمية. عدا جمبكم موظف !حكومي أصيل وسمع كلمة واحدة خلينا نقول إنها كلمة “الفرح” من كلامكوا، وفضل مكمل طريقه عادي. خلصت انت وصديقك الكلام ومن بعدها رجعت لممارسة أعباءك الوظيفية عادي جداً

!أهم حاجة عادي جداً دي

ويخلص اليوم في الشغل عادي جداً برده، هو كان حصل حاجة؟

اليوم التالي انت وصديقك تتفاجئوا بقوافل الترحاب بالعرسان أو العريس أو أصحاب العريس. الكلام مش بيكون ليكوا مباشرةً وإنما يكون الكلام حواليكم كله بيتعلق بفكرة الزواج والأفراح والعرسان والعرايس. في الغالب الشخص اللي بيجي يقولك “أخبار العريس إيه؟” بيكون زميل معاك في نفس المكتب بيعتبر نفسه قريب منك أو قد يكون زميل عشوائي لا علاقة ليك به إلا متعود على “رمي” أسئلة مستفزة على !زملائه أثناء ممارسة عمله

تجتمع اللعبتين عند الموظف الحكومي في الأوقات دي، مع إختلاف المواقف. يعني إنك تتعامل مع موقف معين بطريقة معينة، أو يكون وشك وانت داخل الشغل الصبح “متغير” إلا إنك بتحاول تتعامل “عادي” مع زملاءك وأمور الحياة الوظيفية

“في إيه مالك؟”

“انت كويس؟”

“!وشك متغير عن كل يوم! خير يارب”

كلها أسئلة وتعليقات هتسمعها بالتأكيد، مش بيكون وراها دايماً بالضرورة قلق حقيقي عليك، أغلبها بيكون بغاية إشباع الفضول لا غير. جرب تقول كلمة واحدة تشير ولو من بعيد للأمر اللي ممكن يكون مضايقك، وكفاية على كده! الموظف الحكومي المصري بيتمتع بخيال لا يتمتع به أشهر كتاب الرواية العالميين لما يتعلق الأمر بمحاولة سبر أغوار سر من أسرار أحد الزملاء. هتسمع عن نفسك حكاوي وروايات انت نفسك هتتفاجئ لما تعرفها، أنا شخصياً كنت بحب أقعد أسمع القصص اللي بتحاك عني في الشغل، وكنت باستمتع بيها كمان. برغم كل ده كنت بشعر إن إرادة إشباع الفضول بالدرجة دي لتأليف قصص عن الآخرين لملأ الفراغات هو أمر مرضي

وللحديث بقية

آية-

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s