!يا إستغلالي

في حياة كل واحد مننا ناس إستغلالية كتير، منهم ناس انت بتكون واثق إنهم عاوزين مصلحتك، تانيين بتكون كلك ثقة إنهم مش عاوزين مصلحتك لكن مش لدرجة إنهم يضروك. في فئتين واحدة منهم بيكونوا سلبيين يعني ملهومش دعوة بيك، رحت أو جيت مش فارق معاهم. في ناس مش عاوزين مصلحتك وبيضروك وفي منهم تانيين مش هيضروك.

الأهم من ده كله إن في وسط كل مجموعات الناس دي ناس إستغلاليين! حتى في الناس اللي انت بتقول إنك متأكد إنهم عاوزين مصلحتك تماماً! الفرق الوحيد بين الناس دي كلها إنهم مش دايماً بيكونوا مباشرين في إستغلالهم. بعضهم ممكن يستخدم الإيحاءات عشان يزرع عندك فكرة عن حاجة معينة هو عاوزها منك. ممكن يقولك كلمة معينة أو إنه يعمل نفسه بيتكلم عن موضوع معين فيه المصلحة اللي هو عاوزها منك. الغرض من الوسيلة دي هي إنه يحسسك إن الموضوع كله فكرتك انت!!!

هو مطلبش منك مباشرة لكن انت عرضت الموضوع وبما إنك عرضته وهو له مصلحة فيه مش معقول هيرفض! في الغالب لحد لما تدرك إن الشخص ده أخد المصلحة دي من وراك هتكون فاكر إنك عملت خير في الشخص ده.

قد تكون فكرة سوداوية بس في الواقع، ناس كتير جدا قد تظهر إنها عاوزة مصلحتك لكن في الواقع هي عاوزة المصلحة اللي ورا مصلحتك!

آيــة-

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s